推廣多說台語~交大光電賴咏華~鹹香的黑豆鼓口味爆米香

第四pōng：蔭S口味

佇遮，閣再共LeoÔng、玉仔，會一个失禮：若有機會見面開講，我欲請恁食我家己磅的米芳、家己激的果子酒，莫共我棄嫌hannh！恁的音樂攏有影好聽，我做兵時上捷聽的歌就是宇宙人的《欲去高雄》。影片講huai攏毋是欲共恁剾洗，是為著提醒逐家台語強欲死去、煞無啥人注心的現實。 其實看金鐘、金馬入圍名單就知矣：40歲以下入圍演員，敢有任何一人的台語有龍劭華的7成功力？ 看謝盈萱佇台頂表演金發仔附身，逐家攏笑咍咍，干焦我心內悲哀。盈萱姊仔是我佩服喜愛的演員，毋過伊的台語干焦學著一層皮－－少年輩哪會攏揣無一个有伊這款演技的母語演員咧！？ 《奇蹟的女兒》偌爾仔有心的戲齣；演員的台語煞破甲，予我4集看袂完。 這是一个無偌久進前猶有80%人當做母語的語言呢！這馬竟然「台語gâu講戲gâu演」的少年人已經瀕臨絕種矣－－恁敢誠實猶袂驚？ 來看覓，1995年的驚世新婦： https://youtu.be/zn4DgSWDtdw?t=1542 LeoÔng快樂的甘蔗免： https://www.youtube.com/watch?v=ui4nJWGvSYg 宇宙人的一桌菜： https://www.youtube.com/watch?v=8KhiikVXO0s 台語開始離體的三魂七魄－－ 頭魂離體：10冬內會講純台語的少年演員絕種、 二魂離體：20冬內會寫台語歌的少年歌手絕種、 三魂離體：30冬......著啥物絕種咧？ 驚影片傷長，後回才閣講。 特別感謝－－ justfont設計師榕仔的阿母，送我有支援台文漢字的全套金萱字型！這馬「亻因 」佇影片內底毋免分屍矣！ 客話牽教：吳梅蘭、劉國芳、劉千瀅、邱星崴。客文漢字：劉雨欣。 本片佇YouTube看： https://youtu.be/VtjCT7sRPRE

由足英台三聲道磅米芳發佈於 2019年10月9日 星期三