公民記者坐高鐵

「歐基桑」汝欲去叼位? 為什物愛帶一堆物件佮面桶?

欲去三重埔阮後生遐; 阮彼的新婦愛清氣相，無愛予我用伊的物件。

恭喜喔! 恁後生真有孝，欲飼汝, 袂(禾黑)喔!

我欲去甲討錢。老貨佇田庄無頭無路，袂生活啦!

你欲去討錢，啊紮一大堆物件欲創啥!

阮新婦哪看我紮行旅欲去伊遐帶; 無錢嘛會去借錢予我提轉去南部，
伊無可能予我帶落去。

「歐基桑」這的步數啥人教汝的?

即馬南部的討債公司，嘛攏紮棉被佮面桶去討錢。揣無人道倒佇人的
客廳睏，等甲頭家轉來。

「歐基桑」阿汝真正無頭路喔!

「看」，講來話頭長啦! 我本來佇廟的塊做工，清內底兼拼外口，一
個月二萬，做十外年啊! 無代無誌，廟的來一堆義工，總幹事講毋免
請人啊! 害我闖無頭路、失業。景氣道底(禾黑)啊! 義工甲愈來愈濟
，搭欲揣有頭路啦! 汝底做記者喔?

汝安怎看出來的?

嘿嘿，汝的頭巾仔毋是有寫「公共電視公民新聞」。薪水一個月鬼萬?

卡扑拼咧! 一年千外箍; 哪做了無好，半鮮錢嘛無!

講痟話! 汝底摸膦趁暢喔! 甲我裝痟的。

真正啦! 家己做了爽，趣味道好!

阿什物人欲飼汝?

阮某阿! 伊逐工煮三頓予我食。

我看汝無煩無老，毋免趁有通食的啦! 阿汝的頭巾仔嘿英文寫啥?

讀做?步，是公民、百姓、人民的意思; 百姓報的新開叫做公民新聞。

百姓會凍報新聞? 報佇叼位?

公共電視台啊!

(勿愛)裝痟的，我道毋捌看過; 人嘿攏嘛真專業記者塊報導。我看汝痟
悾痟悾，汝到底有鬼歲?

五加八拄拄好十三。

夭壽喔! 汝加我五歲叫我「歐基桑」!

你哪先甲我叫，我道袂叫汝「歐基桑」啊! 汝卡無禮貌。

卡緊管落車啦! 台中車站到啊啦!