伯公祢好

〈伯公祢好〉(客華字幕)

旁白：

這位係「河底」，一片平洋臨等大河壩，

(這裡是「河底」，一片平原緊臨大河壩，)

短短2公里邊仔，就有三座伯公，同一座聖王祠。

(短短2公里，就有三座伯公，和一座聖王祠。)

中央个，喊做「田心伯公」。

(中央的，稱做「田心伯公」。)

對大崎看啊下，

(從高坡往下看，)

對路脣項行啊過，都做得看著田心伯公，陪等河底伙房人。

(從路邊走過，都可以看到田心伯公，陪著河底伙房人。)

 

1.百歲个田心伯公(百歲的田心伯公)

河底田心伯公啊，

(河底田心伯公啊，)

阿叔公，這頭擺伯公哪央時有？

(阿叔公，伯公何時建造的？)

我細人仔就有。

(我小孩時就有。)

我叔公百一歲了，

(我叔公一百一十歲了，)

頭擺這有竹頭棚直透，透啊上、透啊下。

(以前這裡是綠竹成林，蜿蜒一片。)

 

2.石頭做个田心伯公(石頭做的田心伯公)

我細人仔該下个伯公，毋係恁樣个形仔。

(我孩提時的伯公，不是這種形式。)

佢係最原始，用石頭。

(祂是最原始，用石頭做的。)

底下鋪一個石頭，兩片就兩粒石頭扁扁，

(底下鋪一塊石，兩邊各豎起一塊扁石，)

過仔面頂蓋一粒石頭，

(頂上再蓋一塊石，)

後背一粒石頭凴等。

(後方還有一塊石當靠背。)

該真經个石頭伯公，矮矮仔，恁大槓仔。

(那是真正的石頭伯公，矮矮的、小小的。)

毋係像這，這斯下後，應該怕八七水災，

(不像這種，這是之後，大約是八七水災後，)

正重新雕過這伯公屋仔來做這伯公。

(才重新雕過的伯公屋。)

 

3.得人惜个田心伯公(可愛的田心伯公)

佢係做恁仔，這大棟，這安做騎馬棟。

(伯公屋的形式，這叫大棟，這稱做騎馬棟。)

這中間平平，前後，這兩皮屋蓋，係恁仔个形式。

(中間平平的，前後，這兩邊是屋頂，是這種形式。)

這兩片安做交椅牆，坐交椅啊，坐藤椅个交椅牆。

(兩邊叫交椅牆，坐在交椅上，像是藤椅的扶手。)

有兜人个伯公，佢有雕伯公像，我這已像無啦。

(有的伯公，有雕刻伯公像，我這似乎沒有。)

狄牌，你愛看佢這係「狄牌」。

(狄牌，這叫「狄牌」。)

 

4.有樹仔做伴个田心伯公(有樹木做伴的田心伯公)

伯公樹啊！

(伯公樹啊！)

係頭擺講「牛牯竻」(魯花樹)，牛牯竻樹。

(以前叫「牛牯竻」(魯花樹)，牛牯竻樹。)

這盡打爽，該有一年颱風，斷忒。

(很可惜，有一年颱風來襲，被風吹斷了。)

頭擺盡靚呢，這椏递過來，這椏递過去，

(以前很漂亮，一條枝椏伸過來，一條枝椏伸過去，)

真真盡靚，結果颱風吹斷忒。

(真的很漂亮，結果被颱風吹斷了。)

做伯公，見做伯公，大部分就會選有該樹仔。

(建造伯公，大部分會選擇有樹的地方。)

上背个田頭伯公就係大樟樹，一頭老樟樹。

(上方的田頭伯公是棵大樟樹，一棵老樟樹。)

下背个田尾伯公就係種个大榕樹，該乜大到當大呢。

(下方的田尾伯公是棵大榕樹，非常高聳。)

大部分係有樹仔，生有該種在地原有个樹仔，

(大部分會選擇有樹木，且是在地的原生樹種，)

過仔位置適合得，適合得做伯公个，就會選恁仔个位仔。

(再來是位置適當，適合做伯公，就是最佳的選擇。)

 

5.靈驗个田心伯公(靈驗的田心伯公)

就在地來講，我這發生幾下次个車禍喔。

(就在地來說，我們這裡發生幾次車禍。)

該下怕有30年前囉，30年前發生幾下擺。

(大約是30年前囉，30年前發生過好幾次。)

人个鐵牛仔 在該崎仔項種下來，

(鐵牛車，在高坡上墜落，)

(該下吂有做路)在該崎仔項直直駛下來，種下來。

((那時還沒有鋪柏油路)在坡上直接墜落。)

歐多拜種下來，自行車種下來，

(摩托車墜下來，自行車墜下來，)

人好好，該車仔壞忒，人好好。

(人還是好好，車摔壞，人還是好好。)

這伯公保護等，相當有靈驗呢，這毋係像一般講。

(是伯公庇佑，相當有靈驗呢。)

恩來這，我這兜無辦法逐日早晚來點香，

(我們在這裡，雖然沒辦法早晚來點香，)

但是呢，初一十五，一定就會來點香，

(但是呢，初一十五，一定會來點香，)

來換神茶，泡茶點香。

(換神茶，泡茶點香。)

 

6.靚靚个田心伯公(美麗的田心伯公)

尤其這四、五年來，

(尤其這四、五年來，)

這有組織，一年兩季，同我老妹這田啊，租到來。

(有一個組織，一年兩季，會跟我的胞妹租田。)

用牛仔犁，用牛仔犁田喔，用牛仔耙田、摝喔。

(用水牛犁田、耙田、攪動。)

過仔就秧仔就買个秧仔，用手工蒔，排列等手工蒔。

(買下秧苗，用人工插秧，一群人列隊插秧。)

蒔仔兩禮拜又過挲草，委肥料，來翕相。

(插完秧後不久 接著除草，施肥，來照相。)

愛到割禾去了，佢同耕田个講，

(收割時，他們和耕田的說，)

毋好用機器割，分我用手工割。

(別用機器割稻，讓我們用手工割。)

同人借老時个斛桶，老時个斛桶拿等去踏。

(他們借來古老的打穀機，需用腳踩踏的打穀機。)

毋係機器个，係用腳踏个斛桶，來做這恁樣个，

(不是機器的，是用腳踩踏的打穀機，用這種方式)

算講分這兜歸陣仔來翕相个人，畀取這該个鏡頭。

(讓一群來照相的人，讓他們來取景。)

 

旁白：

百零年來，伯公除忒庇佑河底人，

(一百多年來，伯公除了庇佑河底人，)

還變做地景，餳到當多人還看佢。

(還成為地景，吸引很多人來拜訪祂。)

愛感謝河底人保留佢原始个樣仔，

(感謝河底人 保留祂原始的形式，)

四季在變，風景在變，河底人虔敬伯公个心意無變。

(四季在變，風景在變，河底人虔敬伯公的心意不變。)

 

〈伯公〉詞、曲：劉榮昌(打幫你樂團)

伯公，伯公，請問袮有聽著無？

開山打林，開埤做圳，

正有田坵好村莊。

 

伯公，伯公，請問袮有聽著無？

前人栽樹，後人乘涼，

麼人留子孫，好風光！

 

承蒙你 恁仔細

徐讚生先生：詳細解說、導覽

賴廷錡先生：提供蒔田、委肥、割禾、波斯菊照片

劉榮昌先生(打幫你樂團)：提供客語創作歌曲〈伯公〉

感謝河底伯公，這片土地

 

一方福蔭護庄頭，好得有祢正心安。