一蕊華講：是"落米仔"，毋是"落尾仔"
看著家己出現佇電視，足袂慣習......
製作單位辛苦、辛苦！負責採訪的毓雯、hu?nn攝影機佮剪接的秉寰、出嘴出聲的土豆仁、「號外」寫甲予人足感心的東牧，以及我無相捌的其他工作人員──佇遮一併說多謝。
我佮大家仝款，攏是到收著「號外」的電子批才知，這集有上台語字幕，若像收著特別禮物，真歡喜，想袂到製作單位遮有心、遮進步。（噗仔聲閣開一罐～～）
製作單位第一擺拍台語字幕，難免有出tshê，熱心的網友已經斟酌鬥掠，我個人對影片內容，干礁有兩?所在需要提出來更正一下：
一位是我講的「落米仔」（lak-bí-á），字幕拍做「落尾仔」（lak-bué-á），意思佮音攏毋著去矣（客語的「尾」讀「miˊ」，音略仔偎）。「落尾仔」是假若吊車尾仝款、輸人忝忝綴人袂著，是「線型」的詞，但是「落米仔」是「粒」狀詞。
講「落米仔」無人捌，若講「米勒」的「拾穗」逐家一定攏知──「拾穗」就是法國人咧抾「落米仔」啦！台語的「白米」、「秫米」是正港的「米」；「番麥米」、「柚仔米」、「蝦米」、「茶米」，是取怹一粒一粒幼幼仔的外形，來鬥詞號名。
正港的「落米仔」，是收冬的時稻仔割了，一粒一粒落佇田裡的散粟仔。將這?意象閣延伸，彼種一粒一粒無佮人綁規綰的，嘛會當叫「落米仔」，譬如最近當咧大出的荔枝，一綰一綰綁??，秤斤咧賣；另外有一寡仔，挽荔枝、綁荔枝的時落落來的，一粒一粒抾做堆積規籠的，就是荔枝的「落米仔」，有的水果擔會寫「落米」，用華語讀，抑叫是「糯米荔」臭乳呆。
一粒一粒零星（lân-san）的 ╱ 無hông綁做規綑的 ╱ 抑無比人較袂甜的 ╱（閣賣比人較俗的），就是好寶「落米仔」......
另外一位，是「全家就是你家」的笑話，這?「笑點」是恆春兮足久以前講過的，只是我彼工共鬥佇這?議題，而且應該是「我全家死光光」才三八三八接「『全家』就是『你家』」，笑點的理路較有順。
最後也是愛老實一下：攝影機的鏡頭，實在誠--殘--忍--矣矣矣矣，素蘭的大姐素顏我，看這支短片若久無照鏡略仔有驚著家己，若有美容造型公司願意拍台語發音的廣告，需要產品實驗者兼代言人，會當考慮喔──雄雄跳tone想起昨日佇麵店仔食麵配毋知thn?g第幾擺第幾集矣的「我1定要成功」（以美容彩妝業為主題的本土劇），男主角鄭文德對病院出來，拄hông宣判著著「鼻咽癌」末期，轉去，緣投兄規仙人gâng-gâng，坐佇食飯桌邊，將伊對女朋友張美金講袂出嘴的心內話沓沓仔寫落來，寫完，閣自彼張批紙áu做一蕾玫瑰花，共絕望佮希望的文字攏包佇內底，溫柔浪漫的台灣查甫人像安呢有幾?？！......呀，台語文字化、台文書寫的重要性，佇這款「愛」佮「死亡」交會的真情時刻展上明──心內話規腹肚桶攏台語的人，筆寫出來是華語，敢毋是真怪奇？敢袂造成精神分裂佮「感統失調」？若是久年集體的精神分裂佮感統失調，敢無算介嚴重？...... 鄭文德彼張情書，彼蕾刺心的小玫瑰，內底寫的，到底是台語抑華語？
歹戲拖棚，無想寡新的戲齣來搬，實在袂得過。
【華語對譯】【公視。獨立特派員】一蕊華
看到自己出現在電視，很不習慣......
製作單位辛苦、辛苦！負責採訪的毓雯、掌攝影機和剪接的秉寰、出嘴出聲的土豆仁、「號外」寫得令人很感心的東牧，以及我不相識的其他工作人員──在這裡一併說多謝。
我和大家一樣，都是到收到「號外」的電子郵件才知道，這集有上台語字幕，好似收到特別禮物，很高興，想不到製作單位這麼有心、這麼進步。（掌聲再開一罐～～）
製作單位第一次打台語字幕，難免有出錯，熱心的網友已經仔細幫忙抓，我個人對影片內容，只有兩個地方需要提出來更正一下：
一個是我說的「落米仔」（lak-bí-á），字幕打成「落尾仔」（lak-bué-á），意思和音都不對了（客語的「尾」讀「miˊ」，音有些相近）。「落尾仔」是像吊車尾那樣、輸人一截跟不上，是「線型」的詞，但是「落米仔」是「粒」狀詞。
講「落米仔」沒人知道，若說「米勒」的「拾穗」大家一定都曉得──「拾穗」就是法國人在拾「落米仔」啦！台語的「白米」、「糯米」是真正的「米」；「番麥米」（玉米粒）、「柚仔米」（柚子果粒）、「蝦米」、「茶米」（茶葉），是取它們一粒一粒小小的外形，來組詞命名。
真正的「落米仔」，是收成的時候稻子割完，一粒一粒落在田裡的零散稻穀。將這個意象再延伸，那種一粒一粒沒和人綁成串的，也可以叫「落米仔」，譬如最近正盛產的荔枝，一把一把綁得美美，秤斤在賣，另外有一些，採荔枝、綁荔枝的時候掉下來的，一粒一粒撿成堆積整籠的，就是荔枝的「落米仔」，有的水果攤會寫「落米」，用華語讀，還以為是「糯米荔」發音不標準。
一粒一粒零星的 ╱ 沒被綁成整綑的 ╱ 也沒比人家不甜的 ╱ （還賣得比人家便宜的），就是好寶「落米仔」......
另外一個，是「全家就是你家」的笑話，這個「笑點」是恆春兮很久以前說過的，只是我那天把它湊在這個議題，而且應該是「我全家死光光」再三八三八的接「『全家』就是『你家』」，笑點的理路才順。
最後還是要老實一下：攝影機的鏡頭，實在好--殘--忍啊啊啊啊，素蘭的大姐素顏我，看這支短片像久沒照鏡子稍稍有嚇到自己，若有美容造型公司願意拍台語發音的廣告，需要產品實驗者兼代言人，可以考慮喔──忽然跳tone想起前天在麵店吃麵配不知回鍋第幾次第幾集了的「我1定要成功」（以美容彩妝業為主題的本土劇），男主角鄭文德從醫院出來，剛被宣判得到「鼻咽癌」末期，回去，帥哥整個人愣愣，坐在餐桌邊，將他對女朋友張美金說不出口的內心話慢慢的寫下來，寫完，又把那張信紙折成一朵玫瑰花，把絕望和希望的文字都包在裡面，溫柔浪漫的台灣男人像這樣有幾個？！......呀，台語文字化、台文書寫的重要性，在這種「愛」與「死亡」交會的真情時刻展現最明白──內心話一肚子都台語的人，筆寫出來是華語，豈不是很奇怪？難道不會造成精神分裂和「感統失調」？若是久年集體的精神分裂與感統失調，難道不算很嚴重嗎？......鄭文德那張情書，那朵錐心的小玫瑰，裡頭寫的，到底是台語還華語？
歹戲拖棚，沒想些新的戲來演，實在過不去。
PeoPo 討論區
回應文章建議規則：