台灣音樂家、詩人也火大記者會

時間：2013年1月11日(五) 14:00
地點：台大校友會館(台北市濟南路1段2-1號3樓)

影片清單

治國賽神仙 /林央敏
[台語]

彼年為著慶祝復國登基，用國家名義送出消費券，

互全民消費子孫的活力。

互公債即時加強八百億，這種一必一中的有感經濟，

會當炖飽政見支票的空虛，633是選舉口號的五四三，

捐一半官餉是一時的話母。

信仰黨國的子民攏無計較，在野百姓何必天真當做真。

既然笨鈍挺好裝璜奸巧，台灣話給「他們」叫做「怹」，

面對 in 這群 effectual bumbler，施展無能之用佮大巧若戆也無妨，

無能拚經濟嘛會大巧拚雞規，經濟學人佮御用詩人上知曉，

連任的選票證明這招誠有效。

只要夢想燒灼起兩億無算貪烏，叨像特別公費轉踅流人大水庫，

這是五權憲法注定吾黨做元祖。

雖然22K若像較輸永早26K，莫講薪水倒退，這號做濃縮精粹，

物價進步，是行向開發國家的路，野人無知，干會恨世批評昧滿足，

神仙來治，都無比吾黨老練富裕。

早前台灣人欣羨：阿山日日肥，表示：外省統治是台灣人之福，

所以佫將海島牽接大陸，就會黃金十年賽神仙，不食人間。

2013.1.10